Түркістан облысында Республика күніне орай 120-дан астам іс-шара ұйымдастырылады.
23 қазанда Түркістан қаласында «Қыран елім – Қазақстаным» салтанатты жиыны, жаңа перзентхананың ашылуы және «Жайнай бер, Түркістан!» гала-концерті өтеді.
24 қазанда «Таза Қазақстан» акциясы аясында ағаш отырғызылып, студенттердің ғылыми конференциясы ұйымдастырылады.
25 қазанда Сарыағаш қаласындағы жаңғыртылған орталық стадион ашылып, Түркістанда «Turkistan Marathon – 2026» марафоны мен Мемлекеттік Туды көтеру рәсімі өтеді.
Мерекелік шаралар ұлттық құндылықтарды дәріптеуге және отансүйгіштік рухты нығайтуға бағытталған.