Кездесуде қазақ-қытай мәңгі жан-жақты стратегиялық әріптестікті нығайту, парламентаралық диалогты кеңейту, сондай-ақ мәдени-гуманитарлық саладағы ынтымақтастық перспективасы талқыланды.
Қасым-Жомарт Тоқаевтың айтуынша, 2025 жыл екіжақты қарым-қатынасты дамытуда тарихи әрі теңдессіз кезең болды. Өзара сауда-саттық көлемі рекордтық деңгейге, яғни, 49 млрд долларға жетті. Қытайлық инвестициялардың жиынтық көлемі 29 млрд доллардан асты. Сонымен қатар Қазақстан мен Қытай арасында екіжақты және көпжақты форматтағы ынтымақтастықты дамытуға берік саяси негіз қалыптасты.
Бүкілқытайлық халық өкілдері жиналысының төрағасы Қазақстан Президентіне ҚХР Төрағасы Си Цзиньпиннің ыстық ықыласын жеткізіп, Қазақстанның жаңа Конституциясын қабылдау бойынша жалпыұлттық референдумның табысты өтуімен құттықтады.