2025 жылғы 6 қазанда Түркістан облысы прокурорының орынбасары Даулет Бекбашұлы Тлемисовтың төрағалығымен Жетісай ауданы әкімдігінде қоғамдық-саяси ахуалдың тұрақтылығын қамтамасыз ету және «Қауіпсіз балалық шақ» жобасының орындалу барысы бойынша жиын өтті.
Кеңеске ауданның жергілікті атқарушы органдарының, құқық қорғау және арнайы мемлекеттік органдардың басшылары қатысты.
Жиында өңірге тән өзекті мәселелер, соның ішінде жастар арасындағы құқық бұзушылықтың алдын алу, тұрмыстық зорлық-зомбылық фактілерін азайту және қоғамдық тұрақтылықты сақтау шаралары талқыланды.
Кездесу қорытындысында қатысушыларға профилактикалық жұмыстарды күшейту, ведомствоаралық өзара іс-қимылды жетілдіру және тұрғындар арасында түсіндіру іс-шараларын жүйелі түрде жүргізу жөнінде нақты хаттамалық тапсырмалар берілді.
#заңментәртіп