2025 жылғы 6 қазанда Түркістан облысы прокурорының орынбасары Даулет Бекбашұлы Тлемисовтың төрағалығымен Мақтаарал ауданында қоғамдық-саяси ахуалдың тұрақтылығын қамтамасыз ету және «Қауіпсіз балалық шақ» жобасының іске асырылу барысы бойынша жиын өтті.
Кеңеске ауданның жергілікті атқарушы органдарының, құқық қорғау және арнайы мемлекеттік органдардың басшылары қатысты.
Іс-шара барысында өңірдегі қоғамдық тұрақтылықты сақтау, кәмелетке толмағандар арасындағы құқық бұзушылықтардың алдын алу, сондай-ақ отбасы-тұрмыстық зорлық-зомбылықтың жолын кесу мәселелері қаралды.
Жиын қорытындысымен жергілікті атқарушы, құқық қорғау және арнайы органдарға нақты хаттамалық тапсырмалар беріліп, профилактикалық және ақпараттық-түсіндіру жұмыстарын күшейту қажеттілігі атап өтілді.
#заңментәртіп