Сайрам аудандық «Жастар ресурстық орталығы» КММ-нің ұйымдастыруымен түнгі уақытта жастар арасында құқық бұзушылықтың алдын алу және кәмелетке толмағандардың түнгі уақытта заңды өкілінсіз жүруін болдырмау мақсатында рейдтік іс-шара өткізілді.
Рейд барысында аудан аумағындағы қоғамдық орындар мен ойын-сауық мекемелері араланып, жастармен профилактикалық түсіндіру жұмыстары жүргізілді. Мамандар мен полиция қызметкерлері жастарға қолданыстағы заң талаптары, түнгі тәртіп ережелері, және жеке қауіпсіздікті сақтау маңыздылығы туралы ақпарат берді.
Іс-шараның негізгі мақсаты – жасөспірімдер мен жастардың қауіпсіздігін қамтамасыз ету, құқық бұзушылық пен келеңсіз жағдайлардың алдын алу, сондай-ақ олардың бос уақытын тиімді және пайдалы өткізуге бағыттау.
📍 Рейдке аудандық полиция инспекторлары, «Жастар ресурстық орталығы» мамандары және ерікті жастар қатысып, түсіндіру жұмыстарын жүргізді.
Орталық мамандарының айтуынша, мұндай іс-шаралар жастар арасындағы құқықтық мәдениетті арттыруға, тәртіп пен жауапкершілік сезімін қалыптастыруға үлкен септігін тигізеді.
🔹 Алдағы уақытта да жастармен түнгі рейдтік бақылаулар мен кездесулер тұрақты түрде өткізіліп, құқық бұзушылықтың алдын алу бағытындағы жұмыстар жалғасады.