Конституция – мемлекеттің басты заңы ғана емес, қоғамның даму бағытын айқындайтын маңызды құжат. Жаңа Конституцияны қолдау – елдің демократиялық жаңғыруына, азаматтардың құқықтары мен бостандықтарын қорғауға бағытталған маңызды қадам.
Сарапшылардың пікірінше, Конституциялық реформалар мемлекеттік басқару жүйесін жетілдіруге, билік тармақтарының тепе-теңдігін нығайтуға және азаматтардың шешім қабылдау үдерісіне қатысу мүмкіндігін кеңейтуге жол ашты. Бұл өзгерістер халық пен мемлекет арасындағы өзара сенімді арттырып, қоғамдық тұрақтылықты нығайтуға ықпал етеді.
Жаңа Конституция аясында адам құқықтарын қорғау тетіктері күшейтіліп, заң үстемдігін қамтамасыз етуге ерекше назар аударылды. Сонымен қатар, мемлекеттік институттардың ашықтығы мен есептілігі артып, қоғамның сұранысына жедел жауап беру мүмкіндігі кеңейді.