Келес ауданында Ұлыстың ұлы күні – Наурыз мерекесіне орай ұйымдастырылған іс-шаралар аясында тұрғындар арасында интернет алаяқтықтың алдын алу бағытында түсіндіру жұмыстары жүргізілді.
Іс-шара барысында жауапты сала мамандары азаматтарға қазіргі таңда кең таралған интернет алаяқтық түрлері туралы жан-жақты мәлімет беріп, олардың алдын алу жолдарын түсіндірді.
Сонымен қатар, тұрғындарға ақпараттық брошюралар таратылып, күмәнді сілтемелерге өтпеу, жеке деректерді бөгде тұлғаларға ұсынбау, сондай-ақ белгісіз нөмірлерден келген хабарламаларға сенбеу қажеттігі жөнінде ескертілді.
Мұндай профилактикалық шаралар азаматтардың құқықтық сауаттылығын арттырып, киберқылмыстың алдын алуға бағытталған.
Түркістан облысы ПД баспасөз қызметі
#ЗАҢменТӘРТІП #ЗАКОНИПОРЯДОК