Болгария елінің астанасы София қаласында таэквондодан ересектер арасындағы рейтингтік халықаралық турнир өтті. Байрақты бәсекеде түркістандық спортшылар 4 медаль еншілеп, ел мерейін үстем етті.
Атап айтар болсақ, 74 келіде сынға түскен Мақсат Орынбасар қарсылас шақ келтірмей, ел қоржынына алтын медаль салды. Ал, 54 келіде өнер көрсеткен Әзірет Дүйсенбек пен 87 келіде ел намысын қорғаған Нұрлан Мырзабаев қос күмісті қанжығаларына байлады. 63 келіде бақ сынасқан Аманбол Бегімбетов қола медальді қанағат тұтты.
Түркістан облысының Өңірлік коммуникациялар қызметі