Елімізде қаңғыбас иттер мәселесі қайта ушықты. Ресми дерекке сәйкес, соңғы бір жылда 41 мыңнан астам адамды ит қапқан, оның 23 мыңы – бұралқы иттердің шабуылынан зардап шеккен.
Депутаттар қазіргі тәсілдердің тиімсіз екенін айтып, иесіз иттердің саны артқанын алға тартты. Жаңа заң жобасында иесі табылмаған жануарларды 5 күннен кейін эвтаназиялау ұсынылған. Алайда жануарларды қорғаушылар бұған қарсы.
Сарапшылар мәселені шешудің бір жолы ретінде міндетті чиптеуді ұсынады. Ал депутаттар қаңғыбас жануарларға бөлінетін қаржының тиімді жұмсалуын тексеруді талап етуде.