Түркістан қаласы аумағында отбасы институтын нығайту, әйелдер мен балалардың құқықтары мен қауіпсіздігін қамтамасыз ету мақсатында профилактикалық іс-шара ұйымдастырылды. Шара барысында Отбасылық-тұрмыстық зорлық-зомбылыққа қарсы күрес бөлімшесінің инспекторлары, ювеналды полиция қызметкерлері мен аумақтық учаскелік полиция инспекторлары бірлесіп, профилактикалық есепке алынған 250-ден астам жанұяны тексерді.
Тексеру кезінде балалардың тұрмыс-тіршілігі, тәрбиелену жағдайы және құқықтарының сақталуы зерделенді. Сонымен қатар ата-аналар мен заңды өкілдерге әйелдер мен балаларға қатысты зорлық-зомбылықтың алдын алу, олардың құқықтары мен қауіпсіздігін қамтамасыз ету бағытында түсіндіру жұмыстары жүргізілді.
Полицейлер тұрғындарға құқықтық кеңестер беріп, отбасындағы қолайлы психологиялық ахуалды сақтау, бала тәрбиесіндегі ата-ананың жауапкершілігі және отбасылық құндылықтарды нығайтудың маңыздылығын түсіндірді.
Мұндай профилактикалық шаралар алдағы уақытта да тұрақты түрде жалғасатын болады.
Түркістан облысы ПД баспасөз қызметі
#ЗАҢЖӘНЕТӘРТІП #ЗАКОНИПОРЯДОК