Отырар аудандық полиция бөлімінің ұйымдастыруымен «Отбасында зорлық-зомбылықсыз Қазақстан» атты флешмоб өтті. Іс-шараға полиция қызметкерлері, ішкі саясат саласының мамандары, Отбасын қолдау орталығының қызметкерлері және «Бақыт Айдынында» балалар би орталығының тәлімгерлері мен тәрбиеленушілері қатысты. Жалпы акцияға 200-ге жуық адам қамтылды.
Шараның негізгі мақсаты – отбасылық-тұрмыстық зорлық-зомбылыққа қоғамда мүлдем төзбеушілік мәдениетін қалыптастыру, отбасы құндылықтарын насихаттау және ішкі істер органдарына деген қоғамдық сенімді арттыру.
Флешмоб барысында қатысушылар қоғамдағы татулық пен сыйластықты дәріптеп, қауіпсіз әрі берекелі отбасы – тұрақты қоғамның негізі екенін атап өтті.
Тағылымды шара республикалық байқаулардың жүлдегері «Бақыт Айдынында» балалар би орталығы бишілерінің әсерлі биімен қорытындыланды.
Түркістан облысы ПД баспасөз қызметі
#ЗАҢМЕНТӘРТІП
#ЗАКОНИПОРЯДОК