Қазақстан Республикасы Мемлекеттік қызмет істері агенттігінің Түркістан облысы бойынша департаментінің бастамасымен мемлекеттік қызметтерді алу бойынша азаматтардың заңды құқықтары мен мүмкіндіктері туралы хабардарлығын арттыру мақсатында «Қызмет алушылар күні» іс-шараларын ұйымдастыру ұсынылған болатын.
Осыған сәйкес, 2025 жылғы 14 қазан күні сағат 11:00-де Мақтаарал аудандық дербес бөлімдерінің ғимаратында орналасқан фронт-офисте (Мадиходжаев көшесі, 28 үй) «Жер учаскесін рәсімдеу, ғимараттар мен құрылыстарды реконструкциялау және салу» тақырыбында «Қызмет алушылар күні» іс-шарасы өткізілді.
Іс-шара барысында аудандық сәулет, қала құрылысы және құрылыс бөлімі мен жер қатынастары бөлімі қызметкерлері тұрғындардың қойған сұрақтарына жан-жақты жауап беріп, кеңес беру және түсіндіру жұмыстарын жүргізді.
Мұндай іс-шаралар мемлекеттік қызмет көрсету сапасын арттыруға, азаматтардың құқықтық сауаттылығын нығайтуға және тұрғындар мен мемлекеттік органдар арасындағы ашық диалогты қалыптастыруға бағытталған.