Елімізде ішкі саясаттың негізгі бағыттары ретінде «Заң мен тәртіп», «Таза Қазақстан» және «Адал азамат» қағидаттары айқындалды. Бұл бастамалар құқықтық мәдениетті нығайтуға, азаматтық жауапкершілікті арттыруға және қоғамның тұрақты дамуын қамтамасыз етуге бағытталған.
«Заң мен тәртіп» қағидаты – әділетті әрі қауіпсіз қоғам қалыптастырудың басты негізі. Заң талаптарын сақтау, құқықтық нормаларды құрметтеу және қоғамдық тәртіпті қамтамасыз ету – әрбір азаматтың ортақ міндеті.
«Таза Қазақстан» бастамасы қоршаған ортаны қорғау мен экологиялық мәдениетті қалыптастыруға бағытталған. Сонымен қатар бұл қағидат қоғамда тазалық, жауапкершілік және ұқыптылық құндылықтарын дәріптеуді көздейді.
«Адал азамат» ұғымы адал еңбек ету, әділдік қағидаттарын ұстану және қоғам алдындағы жауапкершілікті сезіну сияқты маңызды құндылықтарды қамтиды. Елдің дамуы мен өркендеуі әрбір азаматтың адал еңбегі мен белсенді азаматтық ұстанымына тікелей байланысты.
Аталған қағидаттарды қоғам өмірінде кеңінен насихаттау және күнделікті тәжірибеге енгізу – заң үстемдігі орныққан, экологиялық мәдениеті жоғары әрі жауапты азаматтары бар Жаңа Қазақстанды қалыптастырудың маңызды шарты болып табылады.