«Үкіметке, әкімдерге тағы да айтарым: «Таза Қазақстан» тұжырымдамасының орындалуы, бұл – конституциялық міндет. «Таза» деген сөздің мағынасы көпқырлы. Бұл – қалаларымызды тазалау, көгалдандыру, көркейту, абаттандыру деген сөз. Сонымен қатар бұл – ниетіміздің тазалығын сақтау, отаншылдығымызды паш ету деген сөз. «Таза Қазақстан» жалпыхалықтық қозғалысы Әділетті Қазақстанның болмысына, тіпті, оның тұтас идеологиясына айналуы керек», – деп атап өтті Президент.
Атап айтқанда, қоқыс полигондары мәселесін шешу, бүлінген жерлерді қалпына келтіру жұмысын да назарда ұстау қажет. Сондай-ақ экологиялық мәдениетті көтеру мәселесіне көңіл бөлген жөн.