Кентау қаласында жалпы қалалық сенбілік ұйымдастырылып, тазалық және абаттандыру жұмыстары жүргізілді.
Сенбілікке қала тұрғындары, мекеме қызметкерлері мен қала жанашырлары белсенді қатысып, қала көшелері мен қоғамдық орындарды тазалау жұмыстарына атсалысты.
Тазалық шарасына 1800-ге жуық адам жұмылдырылып, 10 арнайы техника тартылды. Нәтижесінде 18 тоннаға жуық қоқыс шығарылды.
Мұндай шаралар қаланың санитарлық жағдайын жақсартуға, қоршаған ортаның тазалығын сақтауға және тұрғындардың экологиялық мәдениетін қалыптастыруға бағытталған.