2025 жылдың 18 шілде күні ҚР жаңа Салық Кодексі қабылданған болатын. 2026 жылдың 1 қаңтарынан бастап күшіне енген жаңа салық Кодексі — еліміздің салық жүйесін жаңғыртуға, оны тиімді әрі әділетті етуге бағытталған. Мәселен, жаңа Кодекске сәйкес, енді елімізде сән-салтанат салығы күшіне енді. Бұл жайында Түркістан облысы бойынша Мемлекеттік кірістер департаментінің Мемлекеттік көрсетілетін қызметтер басқармасының басшысы Сәуле Шырынбекова брифингте мәлімдеді.
«2026 жылдың 1 қаңтарынан бастап ел тұрғындары бағасы 450 млн теңгеден асатын жылжымайтын мүлкі үшін 2 млн 946 мың теңге және лимиттен асқан сомаға 2% көлемінде салық төлеуге міндетті. Сондай-ақ, көлік құны 18 000 айлық есептік көрсеткіштен асса және құны 24 000 айлық есептік көрсеткіштен жоғары яхталар мен ұшақтарға, бағасы 500 000 теңгеден асатын алкоголь мен 10 000 теңгеден жоғары бағаланатын сигараға салық төлеу міндеттеледі»- деді Сәуле Әбдіәшімқызы
ТҮРКІСТАН: ЖАҢА САЛЫҚ ЗАҢНАМАСЫ — САЛАДАҒЫ АШЫҚТЫҚТЫ АРТТЫРАДЫ
