Елімізде жаңа Конституция жобасын қабылдау жөніндегі республикалық референдум өтіп жатыр. Маңызды саяси науқан аясында Түркістан облысының тұрғындары белсенділік танытып, өз таңдауларын жасауда.
Көпұлтты өңір саналатын Түркістан облысында түрлі этнос өкілдері бірлік пен татулықты сақтай отырып, ел болашағына қатысты маңызды шарадан тыс қалмауда. Дауыс беру учаскелерінде Қазақстан Республикасының Мемлекеттік Әнұраны шырқалып, тұрғындар ерекше рухпен өз таңдауларын жасауда. Бұл – қоғамдағы ынтымақ пен ел дамуына деген ортақ жауапкершіліктің көрінісі.
Сонымен қатар, Түркістан облыстық Қазақстан халқы Ассамблеясы жанындағы этномәдени бірлестіктердің жетекшілері мен мүшелері де референдумға белсенді қатысып, азаматтық ұстанымдарын білдірді. Олар мұндай маңызды саяси науқанға қатысу – елдің тұрақтылығы мен болашағына деген жауапкершіліктің белгісі екенін атап өтті.