IТ-Aiel және AqylTech бағдарламаларының арқасында 1,3 мыңнан астам әйел жаңа мамандық игерді. Бұл туралы ОКҚ алаңында өткен баспасөз конференциясында TechnoWomen кеңесінің мүшесі Алуа Көрпебаева хабарлады. Бағдарламалар шеңберінде оқыту бірнеше бағыт бойынша өтті — қаржылық сауаттылық, цифрлық сауаттылық, киберқауіпсіздік және кибербуллингтен қорғану.
Оның айтуынша, бағдарламаларға қатысуға 11 мыңнан астам адам, негізінен әйелдер мен жастар тіркелген. 5 мыңға жуық қатысушы оқудан өтті, оның ішінде 1 334 әйел жаңа кәсіп игерді немесе табысын едәуір арттырды.
«Біз күн сайын қыздардың ірі компанияларға орналасып, жаңа мамандық игергені туралы хабар алып отырамыз. Енді біреулері бұрынғы қызметін IT бағытымен біріктіреді. Жалпы, бағдарламаға қатысушылардың 36%-ы нақты нәтижелерге қол жеткізді», –деп атап өтті спикер.
Алуа Көрпебаева бағдарламаға қатысушылар меңгерген дағдылардан мысал келтірді. Мәселен, бір чат-ботты құру құны 80 мың теңгеге дейін жетуі мүмкін, және көптеген қатысушы іске асырылған бірнеше кейсі бар портфолиоларын жинап үлгерді. Бұл оларға курстарды аяқтағаннан кейін жұмысқа орналасуға мүмкіндік берді. Киберқауіпсіздік блогы аясында қатысушылар фишинг, кибербуллинг және басқа да онлайн қауіп-қатерлерден қорғау негіздерін, сондай-ақ балалар мен егде жастағы пайдаланушылар үшін цифрлық қауіпсіздік ерекшеліктерін үйретті.
«Бағдарлама тамаша нәтиже көрсетті және біз оны одан әрі дамытуды жалғастырамыз», — деп атап өтті спикер.