2025 жылдың 15-17 шілде аралығында Шымкент қаласының аумағында құқық бұзушылықтардың алдын алу мақсатында “Тұрмыс” жедел-профилактикалық іс-шарасы өткізілді. Бұл шара елімізде жарияланған “Заң және тәртіп: 2025 жыл — Профилактика жылы” аясында жүзеге асырылды.
Іс-шараның ұйымдастырылуына Шымкент қалалық полиция департаментінің Еңбекші аудандық полиция бөлімі мен оның ЖПҚб Отбасылық-тұрмыстық зорлық-зомбылықпен күрес бөлімшесі белсене атсалысты. Олар учаскелік полиция инспекторларымен бірлесе отырып, қала аумағында отбасылық-тұрмыстық зорлық-зомбылық жағдайлары жиі тіркелетін аймақтардағы отбасылармен кешенді профилактикалық жұмыстар жүргізді.
Шараның негізгі мақсаты – отбасындағы жанжалдардың алдын алу, тұрмыстық зорлық-зомбылықтың алдын алып, оның алдын-алуға бағытталған шараларды күшейту. Сонымен қатар, тұрғындардың құқықтық сауаттылығын арттыру, олардың құқықтары мен міндеттерін түсіндіру болды.
Іс-шара барысында Шымкент қаласының полиция қызметкерлері профилактикалық есепте тұрған азаматтарды тексерді. Тексерулерге қатысқан азаматтар арасында қорғау нұсқамасы шығарылған, сотпен ерекше талаптар қойылған, маскүнемдер, нашақорлар, сондай-ақ, жайсыз отбасы есебіндегі тұлғалар да болды. Олардың әрқайсысымен профилактикалық әңгімелесулер жүргізіліп, олардың тұрмыстық жағдайлары бақылауға алынды.
Қаланың әрбір ауданында ұйымдастырылған іс-шара барысында тәртіп сақшылары өзара іс-қимыл жасау арқылы құқық бұзушылықтарға бейім азаматтарды анықтап, олармен арнайы профилактикалық әңгімелесулер жүргізіп, оларға заңды түсіндіру жұмыстары жүргізілді. Бұл жұмыстар әсіресе отбасы-тұрмыстық қарым-қатынастар аясында жиі құқық бұзушылықтарға жол беретін азаматтарға бағытталды.
Жалпы, “Тұрмыс” жедел-профилактикалық іс-шарасының басты мақсаты – отбасы-тұрмыстық қатынастардағы ауыр және аса ауыр қылмыстардың алдын алу, сондай-ақ осы саладағы құқық бұзушылықтардың алдын алу мен жағдайды тұрақтандыру болып табылады. Іс-шара аясында отбасындағы құқық бұзушылықтар мен зорлық-зомбылықтың алдын алудың маңызы ерекше атап өтілді.
Бұдан бөлек, іс-шара барысында тұрғындармен құқықтық кеңестер беріліп, құқық бұзушылықтың алдын алу бойынша ақпараттар тарату жұмыстары да жүргізілді. Әсіресе, маскүнемдік пен нашақорлыққа байланысты отбасы мүшелерімен жүргізілген профилактикалық әңгімелер көп көңіл бөлінді. Полиция қызметкерлері заңсыз әрекеттер мен құқық бұзушылықтардың алдын алу, сондай-ақ тұрмыстық зорлық-зомбылықты болдырмау бағытында түсіндіру жұмыстарын жүргізді.
Қазіргі таңда қала аумағында “Тұрмыс” жедел-профилактикалық іс-шарасы өз жалғасын табуда. Іс-шара аясында жүргізілетін профилактикалық тексерулер, әңгімелесулер мен түсіндірмелер тұрғындардың құқықтық мәдениетін арттыруға және тұрмыстық зорлық-зомбылықтың алдын алуға бағытталған. Бұл шараның нәтижелері тұрғындар арасында құқық бұзушылықтардың азаюына, отбасындағы зорлық-зомбылықтың алдын алуға ықпал ететіні сөзсіз.