Алматы қаласы әкімдігінде Ерболат Досаевтың төрағалығымен сыбайлас жемқорлыққа қарсы іс-қимыл жөніндегі қалалық комиссияның кеңейтілген отырысы өтті. Жиынға Алматы қаласы бойынша Сыбайлас жемқорлыққа қарсы іс-қимыл агенттігі департаментінің басшысы Арман Рахимов қатысты.
Отырыс қорытындысы бойынша:
Техникалық және авторлық қадағалау мердігерлерінің жауапкершілігін күшейту бойынша Өнеркәсіп және құрылыс министрлігіне ұсыныс жолданды;
Комплаенс-қызметтер үшін маман даярлау бағдарламасын әзірлеу басталды;
Мемлекеттік қызметтің сапасын арттыру жұмыстары жалғасады;
Мемлекеттік қызметшілерге арналған сыбайлас жемқорлыққа қарсы оқыту шаралары күшейтіледі.
Жиынға қатысушылар алдын алу шараларының маңыздылығын және мемлекеттік қызмет көрсету барысында ашықтықты арттыру қажеттігін атап өтті. Сыбайлас жемқорлыққа қарсы іс-қимыл мәселесі қала билігінің басты назарында қала береді.