Бәйдібек ауданында 8-наурыз Халықаралық әйелдер күні мерекесіне орай аналарға құрмет көрсетілді. Шарада аудан әкімінің орынбасары Ақәділ Болатұлы құттықтау сөз сөйлеп, аналардың ұрпақ тәрбиесіне қосқан үлесі жоғары екеніне сенім білдіріп, оларға өз алғысын білдірді. Мерекелік шара концерттік бағдарламаға ұласып, жиналған қыз-келіншектерге гүл шоқтары таратылды.
“Бұл күн — әрбір әйелге зор құрмет көрсету күні. Мұны қоғамның рухани байлығын арттыруға бағытталған қадам деп білемін. Әйелдер біздің өміріміздің барлық саласында маңызды орын алады. Олар жанұяларымыздың тірегі, қоғамымыздың дамуына ықпал етуші тұлғалар. Осы мереке арқылы біз олардың еңбегін бағалап, қолдау көрсетеміз. Осылайша, ауданымызда өткен шара әйелдерге деген махаббат пен құрметтің көрінісі болмақ”,- деді аудан әкімінің орынбасары.
Түркістан облысының Өңірлік коммуникациялар қызметі