Жастар мен жасөспірімдер арасында құқық бұзушылықтың алдын алу және кәмелетке толмағандардың түнгі уақытта заңды өкілінсіз жүруін болдырмау мақсатында Жаушықұм ауылдық округінде түнгі рейдтік іс-шаралар өткізілді.
Рейд барысында полиция қызметкерлері мен Жастар ресурстық орталығының мамандары ауыл аумағындағы қоғамдық орындар мен ойын-сауық нысандарын аралап, түсіндіру жұмыстарын жүргізді.
Сонымен қатар жеке кәсіпкерлерге түнгі сағат 22:00-ден кейін кәмелетке толмағандарды заңды өкілдерінсіз ғимаратқа кіргізуге жол берілмейтіні, сондай-ақ темекі бұйымдары мен спиртті ішімдіктерді сатуға қатаң тыйым салынатыны түсіндірілді.
Мұндай іс-шаралардың негізгі мақсаты — жасөспірімдердің қауіпсіздігін қамтамасыз ету, тәртіп бұзушылықтың алдын алу, және олардың бос уақытын тиімді өткізуге бағыттау болып табылады.
🔹 Ұйымдастырушылардың айтуынша, «Қауіпсіз қоғам» қағидатын іске асыру аясында мұндай профилактикалық рейдтер алдағы уақытта да тұрақты түрде жалғасатын болады.