Арыс ауданы прокуратурасының ұйымдастыруымен «Қауіпсіз балалық шақ» жобасы аясында құқық бұзушылықтардың алдын алу және балалардың қауіпсіздігін қамтамасыз ету мақсатында кездесу өткізілді.
Іс-шараға жергілікті атқарушы және құқық қорғау органдарының өкілдері, сондай-ақ білім беру мекемелерінің басшылары мен педагогтар қатысты.
Кездесу барысында кәмелетке толмағандар арасындағы құқық бұзушылықтың себептері мен оның алдын алу жолдары талқыланып, ата-аналар мен педагогтардың жауапкершілігін арттыру мәселелеріне ерекше назар аударылды.
Сонымен қатар, қатысушыларға балаларды интернеттегі қауіптерден қорғау, тұрмыстық зорлық-зомбылықтың алдын алу және әлеуметтік ортаның тұрақтылығын қамтамасыз ету бағытында бірлескен іс-қимылдың маңыздылығы атап өтілді.
Арыс ауданы прокуратурасы аталған бағыттағы профилактикалық жұмыстарды одан әрі күшейтіп, тұрғындармен түсіндірме кездесулерін жалғастыруды жоспарлап отыр.
#Заңментәртіп