Бұл туралы ҚСЗИ сарапшысы Айнұр Тұқымова айтты.
«Мемлекет азаматтардың тең құқығы мен тең мүмкіндіктерін қамтамасыз етуі керек. Ал өз кезегінде азаматтар да өзінің азаматтық жауапкершілігін көрсете білуі тиіс. Қоршаған ортаға құрметпен қарау, өз құқықтарын дұрыс жүзеге асыру – соның бір көрінісі.
Тек мемлекеттен талап етпей, азаматтар да белсенділік танытып, елдің тағдырына жауапкершілік алуы қажет. Бұл ең алдымен мемлекетке деген сенімге тікелей байланысты. Яғни мемлекетке сенім артқан сайын халықтың белсенділігі де арта түседі.
Сондықтан екі жақтан да жұмыс болуы керек. Мемлекет халық сеніміне ие болуы үшін ішкі және сыртқы саясатты жүргізуде ашықтық танытып, азаматтардың мұң-мұқтажына дер кезінде жауап беруі тиіс», – деді ол.