2026 жылы Түркістан облысында еңбек қауіпсіздігін қамтамасыз ету, кәсіптік тәуекелдерді жүйелі бағалау және өндірістік объектілерді аттестаттауды тиімді ұйымдастыру бағытында кешенді іс-шаралар жүзеге асырылуда. Бұл жұмыстар ҚР Еңбек және халықты әлеуметтік қорғау министрлігі Мемлекеттік еңбек инспекциясы комитетінің Түркістан облысы бойынша Департаментінің бастамасымен, «Еңбекті қорғау жөніндегі республикалық ғылыми-зерттеу институты» ШЖҚ РМК-ның Шымкент қаласы және Түркістан облысы бойынша филиалы және «Ламега» ЖШС-мен бірлесіп жүргізіліп, жұмыс берушілердің кәсіптік тәуекелдерді бағалау міндеттерін орындаудағы тиімділікті арттыруға, жазатайым оқиғалардың алдын алу және жұмыс орындарында қауіпсіз еңбек жағдайларын қалыптастыруға бағытталды.
Мемлекеттік еңбек инспекциясы комитеті Түркістан облысы бойынша Департаментінің ұйымдастыруымен өткізілген іс-шараларға Департаменттің «Еңбек қауіпсіздігін бақылау және еңбекті қорғау бөлімінің» басшысы Сейтқазин Асқар Сейтқазыұлы, бөлімнің бас маманы – мемлекеттік еңбек инспекторы Дүрменов Рауан Жұмадулаұлы, «Еңбекті қорғау жөніндегі республикалық ғылыми-зерттеу институты» ШЖҚ РМК филиалының, сондай-ақ «Ламега» ЖШС басшылары мен мамандары қатысты. Іс-шара барысында қатысушылар кәсіптік тәуекелдерді бағалау және өндірістік объектілерді аттестаттау бойынша өзара тәжірибелерін бөлісті, еңбек қауіпсіздігі мен жазатайым оқиғалардың алдын алу мәселелерін талқылады.
Іс-шараның басты мақсаты – жұмыс берушілер мен өндірістік ұйымдарда еңбекті қорғауды басқару жүйесін жаңғыртуға бағытталған сараптамалық және талдамалық қызметтер көрсету, қауіпсіз еңбек жағдайларын қалыптастыру, қауіпті өндірістік факторларды дер кезінде анықтау, профилактикалық (алдын алу) шараларын жоспарлау және іске асыру, сондай-ақ өндірістік жабдықтар мен технологиялық процестерді кезең-кезеңімен қауіпсіз түрге ауыстыру тәжірибелерін кеңінен енгізу болып табылады.
Жұмыс барысы барысында қатысушылар әрбір өндірістік объектінің ерекшеліктеріне сәйкес тәуекелдерді бағалау әдістерін қолдану тәжірибелерімен бөлісті. Бұл әдістерге қауіпті факторларды сандық және сапалық тұрғыда анықтау, ықтимал зардаптарды есептеу, жұмыс орындарындағы қауіпті жағдайларды алдын ала бағалау, сондай-ақ жазатайым оқиғалардың алдын алу үшін жүйелі шаралар жоспарын әзірлеу кіреді. Тәжірибелік көрсеткіштер негізінде кәсіптік тәуекелдерді бағалау ұйымдардың өндірістік қауіпсіздік мәдениетін қалыптастыруға, жұмыскерлердің әлеуметтік қорғалуын қамтамасыз етуге, сондай-ақ еңбек өнімділігін арттыруға ықпал етеді.
Қатысушылар еңбекті қорғау жүйесін жетілдірудің тиімді тетіктерін, тәуекелдерді басқарудың заманауи тәсілдерін және жазатайым оқиғалардың алдын алу бойынша практикалық ұсыныстарды ортаға салды. Әсіресе, өндірістік жабдықтардың техникалық қызмет көрсету процесін жетілдіру, қауіпсіздік нұсқаулықтарын енгізу, жұмысшыларға қауіпсіз еңбек техникасы бойынша тұрақты оқыту жүргізу және профилактикалық бақылау жүйесін күшейту мәселелері кеңінен талқыланды.
Іс-шара қорытындысы бойынша еңбек қауіпсіздігін қамтамасыз етуге бағытталған тәжірибелерді кеңінен енгізу қажеттілігі, жұмыс берушілер арасында профилактикалық жұмыстарды күшейту және тәуекелдерді басқарудың заманауи тәсілдерін қолдану маңызды екендігі атап өтілді. Сонымен қатар, кәсіптік тәуекелдерді бағалау жүргізу және өндірістік объектілерді аттестаттаудан өткізу бойынша жұмыс берушілердің орындаған шаралары туралы Департаментке жүйелі ақпарат беру тәртібі келісілді. Бұл өзара ынтымақтастық жұмыс берушілер мен мемлекеттік органдар арасындағы сенімді нығайтып, ортақ мақсаттарға қол жеткізуге мүмкіндік береді.
Мемлекеттік деңгейде жүргізіліп отырған осы іс-шаралар еңбек саласындағы саясатты дамытудың, еңбек қауіпсіздігі мен әлеуметтік қорғаныс мәдениетін қалыптастырудың, сондай-ақ жұмыскерлердің құқықтарын қорғаудың маңызды элементі болып табылады. Бұл бастамалар Қазақстан Республикасының «Еңбек адамы» бейнесін насихаттау, жұмысшы мамандықтарын қолдау және насихаттау, жұмысшы мамандықтары жылын іске асыру, жұмыспен қамтуды арттыру, көші-қон саясатын үйлестіру, еңбек қауіпсіздігін сақтау, әлеуметтік қамтамасыз етуді қамтамасыз ету, еңбексүйгіштікке тәрбиелеу, «2029 жылға дейінгі халық кірісін арттыру бағдарламасының» іске асырылуын қамтамасыз ету, сондай-ақ «Келешек» біріңғай ерікті жинақтау жүйесін енгізу және әртүрлі салалар бойынша кадрларды даярлаудың жаңа модельдерін жүзеге асыру мақсаттарына толық сәйкес келеді.
Қазіргі таңда Түркістан облысында өндірістік кәсіпорындар мен қызмет көрсететін ұйымдарда қауіпсіз еңбек жағдайларын қалыптастыру, тәуекелдерді жүйелі бағалау және аттестаттау жүйесін енгізу үшін кешенді шаралар жүргізілуде. Жұмысшыларға арналған қауіпсіздік нұсқаулықтары, қауіпсіздік техникасы бойынша оқу сабақтары, жазатайым оқиғалардың алдын алу бойынша практикалық нұсқаулар және тәуекелдерді басқарудың заманауи әдістемелері тұрақты негізде қолданысқа енгізілуде.
Мемлекеттік еңбек инспекциясы комитеті Түркістан облысы бойынша Департаментінің бастамасымен жүргізілген бұл іс-шаралар еңбек қауіпсіздігі мәдениетін қалыптастыруда, өндірістік жарақаттан сақтандыру, қауіпті факторларды азайту, қызметкерлердің құқықтары мен әлеуметтік кепілдіктерін қорғау бағытында маңызды қадам болып отыр. Сонымен қатар, бұл бастамалар жұмыс берушілер мен қызметкерлер арасындағы сенім мен өзара жауапкершілікті нығайтуға мүмкіндік беріп, өңірдің әлеуметтік-экономикалық дамуына серпін береді.
Іс-шара барысында жинақталған тәжірибе мен ұсыныстар негізінде жұмыс берушілер өз кәсіпорындарында кәсіптік тәуекелдерді бағалау жүйесін жетілдіру, өндірістік жабдықтардың қауіпсіздік талаптарына сәйкестігін арттыру және профилактикалық іс-шараларды тұрақты жүргізу бойынша нақты іс-қимыл жоспарын әзірлеуге мүмкіндік алады. Бұл шаралар Қазақстан Республикасының еңбек қауіпсіздігін қамтамасыз ету саясатын толық қолдайды және жұмыскерлердің қауіпсіз әрі құқықтық тұрғыда қорғалатын еңбек жағдайларын қалыптастыруға бағытталған кешенді мемлекеттік саясатты жүзеге асыруға үлес қосады.
Аталған бастамалар – қауіпсіз еңбек жағдайларын қалыптастыру, кәсіптік тәуекелдерді жүйелі бағалау, жазатайым оқиғалардың алдын алу, жұмыс берушілер мен жұмыскерлердің құқықтық сауаттылығын арттыру және әлеуметтік кепілдіктерді сақтау арқылы өңірде еңбек мәдениетін көтеру бағытында стратегиялық маңызды қадам болып табылады. Сонымен қатар, бұл жұмыстар Түркістан облысында еңбек қатынастарының ашықтығын қамтамасыз етуге, көлеңкелі экономиканы қысқартуға және әлеуметтік тұрақтылықты нығайтуға бағытталған кешенді мемлекеттік саясатты іске асыруға мүмкіндік береді.
Осылайша, кәсіптік тәуекелдерді бағалау және өндірістік объектілерді аттестаттауды ұйымдастыру жүйесі Түркістан облысында қауіпсіз еңбек жағдайларын қалыптастырудың, еңбек өнімділігін арттырудың, жұмысшылардың құқықтарын қорғаудың және әлеуметтік-экономикалық тұрақтылықты қамтамасыз етудің негізгі факторларының бірі болып табылады. Бұл бағыттағы іс-шаралар еңбек саласындағы саясатты дамытудың, әлеуметтік қамтамасыз ету мен қауіпсіз еңбек жағдайларын қалыптастырудың кешенді механизмдерін құруға, сондай-ақ «Еңбек адамы» бейнесін дәріптеуге, жұмысшы мамандықтарын қолдауға және насихаттауға елеулі үлес қосады.
Алдағы уақытта да Түркістан облысында кәсіптік тәуекелдерді бағалау, өндірістік объектілерді аттестаттаудан өткізу және еңбек қауіпсіздігін қамтамасыз ету бағытындағы шаралар тұрақты түрде жалғасатын болады. Бұл жұмыс тек қана нормативтік талаптарды орындауға емес, сонымен қатар өңірдің әлеуметтік-экономикалық дамуын қамтамасыз етуге, еңбек мәдениетін қалыптастыруға, қызметкерлер мен жұмыс берушілер арасындағы өзара сенім мен жауапкершілікті нығайтуға бағытталған кешенді жүйе болып табылады.
Мемлекеттік еңбек инспекциясы комитеті Түркістан облысы бойынша Департаментінің бастамасымен қолға алынған бұл іс-шаралар өңірдің кәсіпорындарында қауіпсіз еңбек жағдайларын қалыптастыру, еңбек өнімділігін арттыру, жазатайым оқиғалардың алдын алу және жұмыскерлердің құқықтарын қорғау бағытында стратегиялық маңызды қадамдар қатарында саналады. Сонымен қатар, бұл бастамалар Қазақстан Республикасының еңбек қауіпсіздігі саясаты мен әлеуметтік қамтамасыз ету жүйесін жетілдіру, әлеуметтік тұрақтылықты қамтамасыз ету және жұмыскерлердің құқықтық қорғалуы мен әлеуметтік кепілдіктерін сақтау үшін қажетті мемлекеттік механизмдерді нығайтуға бағытталған.