Ленгер қалалық емханасында маңызды әрі өзекті іс-шара өтті. Президент Жолдауында белгіленген “Заң мен тәртіп” қағидатын жүзеге асыру мақсатында медициналық мекеме қызметкерлері республикалық “Қаржылық қауіпсіздік” диктантына қатысып, қаржылық және құқықтық сауаттылық деңгейін арттыруға мүмкіндік алды. Қазіргі таңда қаржылық алаяқтық түрлері көбейіп, интернет пен цифрлық қызметтердің жедел дамуы азаматтардан жоғары деңгейдегі сақтық пен білімді талап етеді. Осыған байланысты емхана ұжымы тек медициналық салада ғана емес, қаржылық қауіптерге қарсы тұру тұрғысынан да өз қабілеттерін бағалап, білімін жетілдіруді мақсат етті. Іс-шараға 209 қызметкер қатысып, тапсырмалар орындап, қаржылық қауіпсіздік бойынша жаңа мәліметтер алды.
Қаржылық сауаттылықты арттыру — тек экономикалық білім емес, ол жеке қауіпсіздіктің маңызды бөлігі. Дәрігерлер мен медициналық персонал күнделікті жұмыс барысында көптеген азаматтармен байланыста болады, мемлекеттік қызмет көрсетеді, бюджеттік төлемдермен, әлеуметтік пакеттермен жұмыс істейді. Сондықтан қаржылық алаяқтыққа қатысты кез келген тәуекел оларға да төнуі мүмкін. Алаяқтар азаматтардың сеніміне кіріп, банк карталарының деректерін алу, жалған инвестициялық ұсыныстар жасау, медициналық қызметке қатысты фейк хабарламалар тарату сияқты әдістерді жиі қолдануда. Мұндай жағдайда мамандардың қаржылық сауаттылығы артқан сайын олар өзін ғана емес, айналасындағы адамдарды да сақтандыруға қабілетті болады.
Диктант аясында қатысушылар банк есепшоттарын қорғау, онлайн төлемдерде қауіпсіздік шараларын сақтау, әлеуметтік желідегі күмәнді сілтемелер мен хабарламаларды анықтау, қаржы ұйымдарын тексерудің жолдары, инвестициялық тәуекелдерді бағалау сияқты практикалық білімдерді меңгерді. Сонымен қатар өз жеке деректерін қорғау, құпия ақпаратты ешкімге бермеу, екінші деңгейлі банктердің ресми қызметтерін пайдалану қажеттігі атап өтілді. Медициналық қызметкерлер үшін бұл білім әсіресе маңызды, себебі олар жиі мемлекеттік төлем жүйелерін қолданады, түрлі электронды платформалармен жұмыс істейді, әлеуметтік бағдарламалар шеңберінде төлемдер алады. Қатысушылар алаяқтықтың заманауи түрлерін талқылап, өмірде кездесетін жағдайларға қатысты тәжірибе алмасты.
Іс-шара барысында қызметкерлер қаржылық қауіпсіздіктің дұрыстығын тексерумен қатар, құқықтық сауаттылық мәселелеріне де назар аударды. Экономикалық құқық, азаматтық жауапкершілік, мемлекеттік төлемдер мен келісімшарттар туралы ақпарат берілді. Әрбір қызметкер заңдық нормаларды білу арқылы өз мүлкін, отбасы жағдайын және кәсіби беделін қорғай алатыны түсіндірілді. “Заң мен тәртіп” қағидатын ұстану — тек мемлекеттік құрылымның талабы ғана емес, әр азаматтың жеке мүддесіне байланысты болатын фактор. Сондықтан диктант тек теориялық емес, практикалық тұрғыдан да үлкен маңызға ие болды.
Дәрігерлер мен қызметкерлер тапсырмаларға аса жауапкершілікпен қарап, өз білімдерін сараптады. Көпшілігі бұл шараның маңызын атап өтіп, қаржылық сауаттылық тек экономистер мен кәсіпкерлер үшін емес, әрбір азамат үшін қажет екенін айтты. Бүгінде заманауи технологиялар мен мобильді банкингтің дамуы қаржы операцияларын жеңілдеткенімен, қауіптер де артқаны белгілі. Осыған байланысты мамандарға дұрыс ақпаратқа сүйену, фейк жаңалықтарды ажырату, цифрлық эллюзиялардан сақтану білімдері қажет.
Жиын соңында қатысушыларға пайдалы кеңестер беріліп, қаржылық қауіпсіздік бойынша әдістемелік материалдар таныстырылды. Қызметкерлер бұл диктанттың пайдалы болғанын және мұндай іс-шаралардың тұрақты ұйымдастырылуы қажет екенін айтты. Олар алған білімдерін күнделікті өмірде де, жұмыс барысында да қолданатынына сенім білдірді. Сондай-ақ өздерінің отбасылары мен таныстарын да қаржылық қауіпсіздік туралы ақпараттандыруды жоспарлайтынын жеткізді.
Ленгер қалалық емханасының ұжымы кәсіби қызметімен қатар азаматтық жауапкершілікті де жоғары деңгейде атқарып келеді. Қаржылық қауіпсіздік бойынша тесттен өту тек бір реттік акция емес, қоғамның қауіпсіздігін қамтамасыз ету бағытындағы маңызды қадам екені сөзсіз. Білім беру мен ақпараттандыру іс-шаралары алдағы уақытта да жалғасатын болады. Бұл өз кезегінде қызметкерлердің қаржылық мәдениетін көтеріп, құқықтық сауаттылығын арттыруға ықпал етеді.
Жалпы, қаржылық қауіпсіздік — бүгінгі заман талабы. Қаржылық тәртіп, ақпараттық сақтық, құқықтық сауаттылық — тұрақты өмір сүрудің негізгі тіректері. Осы бағытта атқарылған жұмыс емхана ұжымының саналы, жауапты әрі заманауи азаматтық ұстанымын көрсетеді. Қатысушылардың белсенділігі мен ықыласы мұндай іс-шаралардың маңыздылығын айқындады. Қаржылық сауатты азамат — қауіпсіз қоғамның кепілі.