Алматы әкімі Ерболат Досаевтың тапсырмасымен белгіленген 20% квотаға сәйкес, баспана ең осал санаттағы азаматтарға, соның ішінде көпбалалы отбасылар мен бюджет саласының қызметкерлеріне беріледі.
Биылғы жоспарға сәйкес, 7 284 адам баспаналы болады. Олардың ішінде жетім балалар да бар. Заңға сәйкес, коммуналдық тұрғын үй қорының пәтерлері кезек тәртібімен бөлінеді.
2024 жылы пәтер 5 594 адамға берілді. Оның ішінде 2 000 адам коммуналдық тұрғын үй қорынан жалға берілетін баспана алды, оның 404-і жетім балаларға арналған пәтерлер. Сонымен қатар, 257,7 млн теңге көлемінде 207 тұрғын үй сертификаты табысталды.
2025 жылы ХӘОТ санатындағы азаматтар мен жетім балаларға бөлінетін тұрғын үй үлесі 20% деңгейінде сақталады.
Алматы қаласы Коммуналдық инфрақұрылымды дамыту басқармасы