Шымкент қаласында орналасқан Мұхтар Әуезов атындағы Оңтүстік Қазақстан университетінде жастар арасында «Егеменді ел – жарқын болашақ» тақырыбында маңызды кездесу өткізілді. Бұл шараның басты мақсаты – жас ұрпақтың назарын қоғамдағы өзекті мәселелерге аудару, сондай-ақ болашақта ел дамуына өз үлестерін қосатын жауапты азаматтарды тәрбиелеу. Жастардың санасына қазіргі қоғамдағы маңызды құндылықтар мен мәселелерді сіңіру арқылы олардың азаматтық жауапкершілігін арттыру көзделді. Өйткені, жастар – еліміздің болашағы, олардың көзқарасы мен әрекеттері елдің дамуына тікелей ықпал етеді. Сол себепті, мұндай кездесулерді өткізу жастардың дүниетанымын кеңейтуде маңызды рөл атқарады.
Іс-шараға қаланың құқық қорғау органдары мен мемлекеттік құрылымдарының өкілдері қатысты. Атап айтқанда, Шымкент қаласы Полиция департаментінің Киберқылмысқа қарсы іс-қимыл басқармасының жедел уәкілі, полиция аға лейтенанты Қабыл Сұлтан Абзалұлы, Дін істері басқармасы жанындағы Дін мәселелерін зерттеу орталығының теолог маманы Шамуратов Алихан Дилмуратұлы, Әл-Фараби ауданы прокурорының орынбасары Төлегенов Сәбит Төлепбергенұлы, аудан прокуратурасының прокуроры Алимбеков Асқар Тұрдымұратұлы және Ұлттық қауіпсіздік комитетінің (ҰҚК) ардагері, генерал Исабеков Ақжігіт Қалтайұлы бұл кездесуге өздерінің құнды тәжірибелерін бөлісу үшін шақырылды. Әрбір спикер жастарға өз мамандықтары бойынша терең білім мен тәжірибе ұсынды, әрі қоғамдағы түрлі жағымсыз жағдайлардан сақтанудың жолдарын көрсетті.
Кездесу барысында жастарға қазіргі қоғамда жиі кездесетін өзекті мәселелер жайлы жан-жақты түсінік берілді. Сонымен қатар, лудомания (ойынға тәуелділік), құқықбұзушылықтың алдын алу, интернет алаяқтық және кереғар діни ағымдардың таралуы сияқты маңызды тақырыптар талқыланып, осы мәселелердің шешімін табу жолдары ұсынылды. Қоғамның тыныштығы мен қауіпсіздігін қамтамасыз ету мақсатында жастарды заңды құрметтеуге және өздерінің жеке қауіпсіздігі мен құқықтарын қорғауға шақырды. Спикерлер жастарды осы қауіптерден сақтану үшін қажетті білім мен дағдыларды игеруге шақырды. Қазіргі ақпараттық дәуірде интернеттің құдіреті зор, сондықтан жасөспірімдерге интернет алаяқтықтары мен басқа да қауіптер туралы түсінік беру аса маңызды. Қатысушыларға арнайы тренингтер мен семинарлар өткізіліп, нақты шаралар мен ұсыныстар айтылды.