Әл-Фараби аудандық полициясы басқармасының ұйымдастыруымен 2025 жылдың 12-і мен 13-і аралығында өткізілген «Құқықтық тәртіп» жедел профилактикалық іс-шарасының нәтижесінде түнгі уақытта ата-анасының қарауынсыз және қоғамдық орындарда жүрген бірқатар жасөспірімдер анықталды. Бұл шараның басты мақсаты – жасөспірімдер арасындағы құқық бұзушылықтарды болдырмау және олардың қауіпсіздігін қамтамасыз ету. Ата-аналарына қатысты құқық бұзушылықтарды болдырмау мақсатында жасөспірімдермен бірге болған ата-аналарымен түсіндірме жұмыстары жүргізілді.
Сонымен қатар, рейдтік іс-шара барысында ойын-сауық орындарында және басқа да қоғамдық орындарда жасөспірімдердің болуына жол берген шағын кәсіпкерлік субъектілеріне де түсіндірме жұмыстарын жүргізу жүргізілді. Кәсіпкерлер мен қызметкерлерге заң талаптарын сақтау және жасөспірімдердің құқықтарын қорғау қажеттілігі туралы ақпараттар берілді.
Іс-шара барысында қорқор өнімдерін тұтынған және оларды ұсынған тұлғалар анықталды. Бұл жағдай әсіресе қоғамдық денсаулықты қорғау тұрғысынан өте маңызды мәселе болып табылады. Қорқор өнімдерін тұтыну жасөспірімдердің денсаулығына зиян тигізетінін ескере отырып, құқық қорғау органдары тиісті шаралар қабылдады.
Бұған қоса, 21 жасқа толмаған тұлғаларға спирттік ішімдіктер сатқан бірнеше жағдайлар анықталды. Бұл заң бұзушылықтар құқық қорғаушы органдардың бақылауында болып, тиісті жазалар мен шаралар қарастырылды. Түнгі уақытта жасөспірімдерге алкоголь өнімдерін сату мәселесі – қоғамдағы құқықтық тәртіпті сақтауға үлкен қауіп төндіретін факторлардың бірі.
Азаматтардың құқықтық сауаттылығын арттыру мақсатында, құқық қорғаушы органдар бірқатар түсіндіру жұмыстары жүргізді. Бұл жұмыстардың негізгі мақсаты – тұрғындардың заңға деген құрметін арттырып, оларды құқық бұзушылықтарды болдырмауға шақыру болды. Құқықтық мәдениетті жоғарылату арқылы, әр азамат өз құқықтарын дұрыс пайдаланып, міндеттерін орындауға дағдылану керек.
Жалпы, өткізілген іс-шараның нәтижесінде заңға қайшы әрекеттердің саны азайып, қоғамдық тәртіптің сақталуы үшін қажетті шаралар қабылданды.